Passage

Ammianus Marcellinus, Res Gestae 18.2.7

lat ammianus stoa001 perseus lat2

Quae dum diligenti maturantur effectu, Hariobaudes exploratis omnibus rediit, docuitque comperta. Post cuius adventum incitatis viribus omnes venere Mogontiacum, ubi Florentio et Lupicino (Severi successore) destinate certantibus, per pontem illic constitutum transiri debere, renitebatur firmissime Caesar, asserens pacatorum terras non debere calcari, ne (ut saepe contigit) per incivilitatem militis occurrentia vastitantis, abrupte foedera frangerentur.

Provenance

Stable ID ammianus:stoa001-perseus-lat2:18.2.7
Source Ammianus Marcellinus, Res Gestae — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable