Passage
Ammianus Marcellinus, Res Gestae 21.8.1
lat ammianus stoa001 perseus lat2
Discedens inter haec Iulianus a Rauracis, peractis quae docuimus dudum, Sallustium praefectum praefectur promotum remisit in Gallias, Germaniano iusso vicem tueri Nebridii, itidemque Nevittae magisterium commisit armorum, Gumoarium Gomoarium proditorem antiquum timens, quem cum Scutarios ageret, latenter prodidisse Veteranionem suum principem audiebat; et Iovio quaesturam, cuius in actibus Magnenti meminimus, et Mamertino largitiones curandas, et Dagalaifum praefecit domesticis, aliosque plures ex arbitrio suo militibus regendis apposuit, quorum merita norat et fidem.