Passage

Ammianus Marcellinus, Res Gestae 24.5.11

lat ammianus stoa001 perseus lat2

Flagrans post haec ad eruendum castellum, ubi periclitatus est, operam convertit et curam, nusquam ab antesignanis ipse digrediens, ut inter primos dimicans militi ad fortiter faciendum esset exemplo, spectator probatorque gestorum. Quo inter discriminum vertices diu multumque versato, varietate munitionum atque telorum, et conspiratione oppugnatorum, idem castellum incenditur captum.

Provenance

Stable ID ammianus:stoa001-perseus-lat2:24.5.11
Source Ammianus Marcellinus, Res Gestae — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable