Passage
Ammianus Marcellinus, Res Gestae 31.15.10
lat ammianus stoa001 perseus lat2
Omni itaque bellandi apparatu praestructo, adventante vigilia tertia, barbari abolito praeteritorum vulnerum metu, in urbis obseratos aditus multiplicatis ordinibus inundarunt, et obstinatione magna caventium malo. At cum armatis provinciales et palatini ad obruendos eos excitatius exsurgebant, et cuiusque cuiusce modi tela in multitudine tanta, vel temere missa, cadere sine noxa non poterant.