Passage
Apicius, De Re Coquinaria 5.185
lat apicius phi001 perseus lat1
Pultes. Alicam purgatam infundis, coques. cum fervuerit, oleum mittis. cum spissaverit, lias. Adicies cerebella duo cocta et selibram pulpae quasi ad isicia friatae, cum cerebellis teres et in caccabum mittes. teres piper, ligisticum, feniculi semen, suffundis liquamen et meri modicum et mittis in caccabum supra cerebella et pulpam. ubi satis fuerit, cum iure misces. ex hoc paulatim alicam condies. sed ius ut quasi sucus videatur.