Apicius, De Re Coquinaria 5.207

Aliter concicla inculcatus pullus vel porcellus: exossabis pullum, a pectore et femora eius iungis in porrectum, surculo alligas et inpensam paras. et farcies alternis pisam, cocta cerebella, lucanicas et cetera. teres piper, ligisticum, origanum et gingiber, liquamen suffundes, vino et passo temperabis. facies ut ferveat et cum fervuerit, mittis modice. et inpensam condieris, si alternis in pullo conponis. omento tegis et in operculo deponis et in furnum mittis, ut coquatur paulatim et inferes.