Passage
Cicero, De Divinatione 2.84.p1
lat cicero phi053 perseus lat2
cum M. Crassus exercitum Brundisi imponeret, quidam in portu caricas Cauno advectas vendens ' Cauneas ' clamitabat. dicamus, si placet, monitum ab eo Crassum, ' caveret ne iret '; non fuisse periturum, si omini paruisset. quae si suscipiamus, pedis offensio nobis et abruptio corrigiae et sternumenta erunt observanda.