Columella, Res Rustica, Books I-IX 6.18.2

Potest etiam per fistulam deusti cimicis nidor immitti: qui ubi superpositusigni fumum emisit, conceptum nidorem fistula usque ad hirudinem perfert; isque nidor depellit haerentem. Si tamen vel stomachum vel intestinum tenet, calido aceto per cornu infuso necatur. Has medicinas quamvis bubus adhibendas praeceperim, posse tamen ex eisplurima etiam omni maiori pecori convenire nihil dubium est.