Livy, Ab urbe condita libri, erklärt von M. Weissenborn, books 39-40 - 39 p30

magnus motus servilis eo anno in Apulia fuit. Tarentum provinciam L. Postumius praetor habebat. is de pastorum coniuratione, qui vias latrociniis pascuaque publica infesta habuerant, quaestionem severe exercuit. ad septem milia hominum condemnavit; multi inde fugerunt, de multis sumptum est supplicium. consules, diu retenti ad urbem dilectibus, tandem in provincias profecti sunt.