Pliny the Elder, Naturalis Historia 12.13.p3

Simile his et nomine et frutice cardamomum, semine oblongo. metitur, eodem modo in Arabia. quattuor eius genera: viridissimum ac pingue, acutis angulis contumax frianti—hoc maxime laudatur—, proximum e rufo candicans, tertium brevius atque nigrius, peius tamen varium et facile tritu odorique parvi, qui vero costo vicinus esse debet. hoc et apud Medos nascitur. pretium optimi in libras $X$ III.