Passage

Seneca, Ad Lucilium Epistulae Morales 15.94.58

lat seneca phi015 perseus lat2

Vis scire, quam falsus oculos tuos deceperit fulgor? Nihil est istis, quamdiu mersa et involuta caeno suo iacent, foedius, nihil obscurius, quidni? Quae per longissimorum cuniculorum tenebras extrahuntur. Nihil est illis, dum fiunt et a faece sua separantur, informius. Denique ipsos opifices intuere, per quorum manus sterile terrae genus et infernum perpurgatur; videbis quanta fuligine oblinantur.

Provenance

Stable ID seneca:phi015-perseus-lat2:15.94.58
Source Seneca, Ad Lucilium Epistulae Morales — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable