Passage

Seneca, Ad Lucilium Epistulae Morales 20.122.8

lat seneca phi015 perseus lat2

Non vivunt contra naturam qui hieme concupiscunt rosam fomentoque aquarum calentium et calorum apta mutatione bruma lilium, florem vernum, exprimunt? Non vivunt contra naturam qui pomaria in summis turribus serunt? Quorum silvae in tectis domuum ac fastigiis nutant, inde ortis radicibus quo inprobe cacumina egissent? Non vivunt contra naturam qui fundamenta thermarum in mari iaciunt et delicate natare ipsi sibi non videntur, nisi calentia stagna fluctu ac tempestate feriantur?

Provenance

Stable ID seneca:phi015-perseus-lat2:20.122.8
Source Seneca, Ad Lucilium Epistulae Morales — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable