Passage

Seneca the Elder, Controversiae 10.3.4

lat seneca elder phi001 perseus lat1

BUTEONIS. Ante ipsum limen domus decessit, ne dubitari posset utrum marito perisset an patri. ubi istud uidisti? ubi audisti? nego te istuc in bello didicisse. MARVLLI. “Meruerat, inquit mori.” etiamnunc accusas ? certe iam tibi satisfactum est. O nouum monstrum! irato uictore uiuendum est, exorato patre moriendum est. PASSIENI. Vtinam interuenissem, non satisfecisses sola patri. Furiosum te dicerem, si pro genero non rogasses. Secutus est gener diuersas partes, uxor suas.

Provenance

Stable ID seneca-elder:phi001-perseus-lat1:10.3.4
Source Seneca the Elder, Controversiae — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable