Seneca the Elder, Fragmenta 1.2

noui uero et praecipue declamatores audacius nec mehercule sine motu quodam imaginantur, ut Seneca in controuersia cuius summa est, quod pater filium et nouercam inducente altero filio in adulterio deprensos occidit: “duc, sequor: accipe hanc senilem manum et quocumque uis inprime” et post paulo: “aspice, inquit, quod diu non credidisti. ego uero non uideo, nox oboritur et crassa caligo.”