Passage

Terence, Phormio 5.4

lat terence phi004 perseus lat2

(ANTIPHO.) ANTIPHO Laetus sum, ut meae res sese habent, fratri obtigisse quod vult. Quam scitum est eiusmodi parare in animo cupiditates Quas, quum res adversae sient, paulo mederi possis! Hic simul argentum repperit cura sese expedivit. Ego nullo possum remedio me evolvere ex his turbis Quin, si hoc celetur, in metu, sin patefit, ill probro sim. Neque me domum nunc reciperem, ni mihi esset spes ostenta Huiusce habendae. Sed ubinam Getam invenire possum, Ut rogem quod tempus conveniendi patris me capere iubeat?

Provenance

Stable ID terence:phi004-perseus-lat2:5.4
Source Terence, Phormio — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable