Passage
Valerius Maximus, Facta et Dicta Memorabilia 3.6.6
lat valerius maximus phi001 perseus lat1
Iam C. Marii paene insolens factum: nam post Iugurthinum Cimbricumque et Teutonicum triumphum cantharo semper potauit, quod Liber pater Indicum ex Asia deducens triumphum hoc usus poculi genere ferebatur, ut inter ipsum haustum uini uictoriae eius suas uictorias conpararet.