Passage

Valerius Maximus, Facta et Dicta Memorabilia 8.10.2

lat valerius maximus phi001 perseus lat1

Q. autem Hortensius plurimum in corporis decoro motu repositum credens paene plus studii in eo elaborando quam in ipsa eloquentia adfectanda inpendit. itaque nescires utrum cupidius ad audiendum eum an ad spectandum concurreretur: sic uerbis oratoris aspectus et rursus aspectui uerba seruiebant. constat Aesopum Rosciumque ludicrae artis peritissimos illo causas agente in corona frequenter adstitisse, ut foro petitos gestus in scaenam referrent.

Provenance

Stable ID valerius-maximus:phi001-perseus-lat1:8.10.2
Source Valerius Maximus, Facta et Dicta Memorabilia — Perseus canonical-latinLit lemmatized (CLTK) · cc-by-sa-4.0
Receipt https://logoi.health/receipts/soul-word-journey-v0

Downloads

Passage record (JSON)·Cite (BibTeX)

CC BY 4.0 with receipt attribution — every file carries its license line. What is exportable