Passage
Valerius Maximus, Facta et Dicta Memorabilia 9.3e.2
lat valerius maximus phi001 perseus lat1
Quam uehemens deinde aduersus populum Romanum Hamilcaris odium! quattuor enim puerilis aetatis filios intuens eiusdem numeri catulos leoninos in perniciem imperii nostri alere se praedicabat. digna nutrimenta, quae in exitium patriae suae, ut euenit, conuerterentur.