Pseudo-Caesar, De Bello Hispaniensi 37

Carteienses, dum Caesar in itinere reliqua oppida oppugnat, propter Pompeium dissentire coeperunt. Pars erat quae legatos ad Caesarem miserat, pars erat qui Pompeianarum partium fautores essent. Seditione concitata portas occupant caedes fit magna; saucius Pompeius navis XX occupat longas et profugit. Didius, qui Cladibus classi praefuisset, simul nuntius allatus est, confestim sequi coepit Carteia pedites et equitatus ad persequendum celeriter iter faciebant item confestim consequentes. Quarto die navigationis, quod imparati a Carteia profecti sine aqua fuissent, ad terram applicant. Dum aquantur, Didius classe accurrit, navis incendit, non nullas capit.