Aristotle, De Somno et Vigilia (DIORISIS sentence 76)

πότερον οὖν τοῦτο συμβαίνει ὅτι ὥσπερ ἡ κοιλία κενὴ μὲν οὖσα θερμή ἐστιν ἡ δὲ πλήρωσις αὐτὴν καταψύχει διὰ τὴν κίνησιν οὕτω καὶ οἱ ἐν τῇ κεφαλῇ πόροι καὶ τόποι καταψύχονται ἀναφερομένης τῆς ἀναθυμιάσεως ἢ ὥσπερ τοῖς προσχεομένοις τὸ θερμὸν ἐξαίφνης φρίκη γίγνεται κἀκεῖ ἀνιόντος τοῦ θερμοῦ ἀθροιζόμενον τὸ ψυχρὸν καταψύχει καὶ τὸ κατὰ φύσιν θερμὸν ποιεῖ ἐξαδυνατεῖν καὶ ὑποχωρεῖν ἔτι δὲ πολλῆς ἐμπιπτούσης τροφῆς ἣν ἀνάγει τὸ θερμόν ὥσπερ τὸ πῦρ ἐπιτιθεμένων τῶν ξύλων καταψύχεται ἕως ἂν καταπεφθῇ.