Cicero, Topica 14

a forma generis, quam interdum, quo planius accipiatur, partem licet nominare hoc modo: Si ita Fabiae pecunia legata est a viro, si ei viro materfamilias esset; si ea in manum non convenerat, nihil debetur. Genus enim est uxor; eius duae formae: una matrumfamilias, altera earum, quae tantum modo uxores habentur. Qua in parte cum fuerit Fabia, legatum non videtur.